వైసీపీకి విజయసాయిరెడ్డి తీవ్ర హెచ్చరిక: "రెచ్చగొడితే నిజాలు బయటపెడతా!"

వైసీపీ కొటరీ, ఆ పార్టీ నేతల వైఖరిపై విజయసాయిరెడ్డి తీవ్ర అసహనం వ్యక్తం చేశారు.

తనపై అనవసరమైన వ్యాఖ్యలు చేస్తూ రెచ్చగొట్టే ప్రయత్నాలు మానుకోవాలని ఆయన స్పష్టం చేశారు.

పార్టీ నేతలు తనను కవ్విస్తే, మరిన్ని సంచలనాత్మక విషయాలను బహిరంగ లేఖ ద్వారా ప్రజల ముందుకు తీసుకొస్తానని హెచ్చరించారు.

ఇప్పటికే కొన్ని అంశాలను వెల్లడించానని, తన వద్ద ఇంకా అనేక కీలక విషయాలు ఉన్నాయని తెలిపారు.

ఒకవేళ వాటిని బయటపెట్టాల్సి వస్తే వైసీపీకే తీవ్ర నష్టం జరుగుతుందని పేర్కొన్నారు.

అందుకే అనవసర వ్యాఖ్యలతో తనను రెచ్చగొట్టకుండా ఉండటమే పార్టీకి శ్రేయస్కరమని హితవు పలికారు.